L.Nigule – Lapa 7 – Latvijas pilskalni / Latvian hillforts

100 Latgales pilskalni. Greitas kalns

07.01.2018 No Comment

07.01.2018.g. Grītys. Muns jauneibys pilskolns, da kura nazkod īts vairuok reižu. Vīns nu skaistuokajim i leluokajim Dubnys pilskolnim. Ar īspaideigu valni, atrodumim, Dubnys stuovumu, kūkim, mylzu pyupiežim i golvonais – kolna saiminīku i saimineicu. Jī, izaruoda, verās leidza myusu braukšonai i sagaida myus pi kolna. Paldis jim par dorbu pilskolna sakuortuošonā, ekskurseju, stuostim i atbolstu. Lai vairuok itaidu cylvāku Latgolā i Latvejā! Nūsprīžam, ka Grītys kolnā varātu dzeivuot vasalu dīnu, i mudri laižam tuoļuok.

100 Latgales pilskalni. Lielās Baranaukas pilskalns

07.01.2018 No Comment

07.01.2018.g. Baranovskas. Pīcpadsmytais. Jā, jā pīcpadsmytais ūtrū reizi. Ite poruods nu īprīkšejuos reizis, kod naaizguojem da eistuo. Paldis Jūlijai Munčai, kura pastuosteja, kai atrast pareizū. Pareizais izaruodeja nūsaglobuojs aiz Galvānu HES pošā Dubnys krostā, kaidus 200 metrus nu naeistuo. Nalels, skaists, dīzgon aizaudzs, ar daudzom izrokumu pādom. Pādejuo pieteišona taiseita pyrms Galvānu HES rakšonys. Pilskolnu braucieju palīk vys vaira, itū reizi kluot ir Alfrēds, Juoņs, Jurs i Edvards. Heisā!!!

100 Latgales pilskalni. Asotes pilskalns

27.12.2017 No Comment

Asote. Solts i viejains,styrnu i lopsu apdzeivuots. Ar nūruodem, informacejis dieli, slavens. Kotrā kūrmu rokumā muola goboli i trauku lauskys. Ar skaistu skotu iz Daugovu i na tik skaistu iz cytom pusem, kur nu blokus asušajim kopim izsvīstys pučis i televizori. Valsts svātkim par gūdu himna i nūsprīžam kotrā kolnā izkuopt i apīt jam apleik.

100 Latgales pilskalni. Dzirkaļu pilskalns

27.12.2017 No Comment

20.11.2017.g. Dzirkaļu. Mistiskuokais i ekspedicejis daleibnīku vysvairuok nūvārtātais pilskolns. Sakūpts ar pacaltu valsts karūgu meža vydā. Mikeļs kolnā izskrēje pyrmais, stuosteja, ka redziejs boltu zači i ilgi meklēje jū pa mežu. Staigojūt pa kolnu i jam apleik meklējem i mes – kurs boltu viersi, kurs mozu syvānu, kurs dagūšu plošku, kurs oluta vītu.

100 Latgales pilskalni. Ģedušu pilskalns

27.12.2017 No Comment

20.11.2017.g. Ģedušu (Gavartīnis). Ceļa molā, vīgli atrūnams, laikam dieļ tam i bez nūruodem. Spieceigā lūpkūpeibys ītekmis zonā, ar radzamim i saūžamim darbeibys blokusproduktim. Juosoka,ka vysu meikstynoj skaistī terasveida suoni, bārnu spieļu laukums kolnā i meikstuos mēbelis. Gonu i sorgu suni pīkluojeigi i draudzeigi.

100 Latgales pilskalni. Dzenes kalns

27.12.2017 No Comment

20.11.2017.g. Dzenes kolns. Vysmozuokais, vysgryutuok dasnīdzamais. Zamā, pūrainā vairuoku gruovu i upieļu satecis vītā, pavysam natuoli nu dzeļžaceļa. Bez vysaidu nūruožu, tik vīgli daīmams pa Dzeņu gruovi, kur Jureits pīsmēle zuoboku. Gruovam skaista, akmiņa myurāta caurtaka zam slīdem. Pilskolna plakums aizaudzs atzolom. Satiksme iz dzeļžaceļa intensiva, taisejom zekserus.

100 Latgales pilskalni. Jersikas pilskalns

27.12.2017 No Comment

20.11.2017.g. Jersikys. Nasaverūt iz visim breidynuojumim, saiminīks atsauceigs i saimineica čakla. Cīši draudzeigi kači, vīns taisejuos mums leidza. Traucēje industrialuos zonys tyvums i intensivuo saimnīciskuo darbeiba i juos palīkys pilskolnā i ap jū. Skaisti kūki i skots iz Daugovu. Spieceigi Daugovys vieji. Artefakti iz kotra sūļa!

100 Latgales pilskalni. Buivīšu pilskalns

27.12.2017 No Comment

10.12.2017.g. Buivīšu. Pilskolnā vaci katūļu kopi (nazkod bejuši), tagad taidi džungļi, ka vosorā navarātu īleist. Daudz apguoztu pīminekļu i krystu. Vīnā golā nazkod rokts, tagad tur rūk lopsys i izrūk golvys, kuojis i cytus kaulus. Pi pilskolna sabrukuse ferma i breineigs skots iz Daugovu! Eiropa da itai vītai vēl navā tykuse. Itū reizi žāl…

100 Latgales pilskalni. Svilišķu pilskalns

27.12.2017 No Comment

10.12.2017.g. Svilišķu. Leluokuo dale nu suonu nūorta, tik stuovuokajā golā nazcik kūku. Saiminīki kolnā tur pogrobu i pi kolna alni, kuru bārni var padzonuot. Ivars ar Jezupu atroda nazcik zeimeigu akmiņu, jī myusu pulceņam lels atspaids ar sovu zynuošonu i padūmu.

100 Latgales pilskalni. Borovkas pilskalns

27.12.2017 No Comment

10.12.2017.g. Borovkys. Ostoitais pasauļa breinums. Breineigs, sakūpts, nūslāpumains. Ar 15 metru stuovumu i upi apakšā, nūstuostu i nūslāpumu pylns(iz ituo kolna asūt ījimta Krīvejis keizarīne Katrīna I). Ar miļzeigu akmini upis krostā, nūgrymušu pili i okys vītu. Pilskolnu paraugs, šedevrs i etalons.

100 Latgales pilskalni. Pilišķu pilskalns

27.12.2017 No Comment

10.12.2017.g. Pilišķu. Pilišķu centrā, klasiski skaists i apdzeivuots. Ar karūga kuorti, gunskura vītu i beņčim. Ar Pīteradīnys svieteišonys tradiceju i Meteini. Ar babu Jaņi, kas atīt i stuosta par kolna teikom, vītejim cylvākim i vītom. Ar atstuotu bišu dravu i zaldatu izroktim kolna suonim.

100 Latgales pilskalni. Anspoku pilskalns

27.12.2017 No Comment

10.12.2017.g. Anspoku. Skaistā vītā tyvu Preilim, žāl, ka pamasts i aizlaists. Ar skaistu egli i na tik skaistom barona medeibu pilsdrupom. Bārnim vysvaira patyka Jezupa guņkurs jau lab tik tymsajā vokorā. Paļdis visim, prīks, ka myusu pulks vairojās!

100 Latgales pilskalni. Plivdu pilskalns

27.12.2017 No Comment

24.12.2017.g. Plivdu. Trešais pilskolnu braucīns suokās pi Preiļim ar eistynu latgalīšu vīsmīleibys paraugdemonstriejumu. Pilskolna tyvejuos sātys saiminīks na tik īt gobolu leidza, lai paruodeitu eistū kolnu, a i paduovynoj mums mada burku. Paldis! Pilskolnam skaists stuovums da Preiļupeitei. Bārni nav nūturami – snīgs!

100 Latgales pilskalni. Zabornajas pilskalns

27.12.2017 No Comment

24.12.2017.g. Zabornajas. Itū reizi cyts saiminīks, laipneiba – tei poša. Īt gobolu leidza i palaiž puori gonu drotim. Paļdis! Pats kolns kai kompeta – opolu, leidzonu augšu i terasem tik precīzom, kai pārn tik bārtom. Austrumu molā akmiņa myurāti pamati (sātai voi Napoleona armejis lelgabalim)? Turpynojūt tradiceju itū reizi Madara īsmeļ zuobokā iudiņa! Gabaleņu tuoļuok braucam puori Tartakam.

100 Latgales pilskalni. Višķu pilskalns

27.12.2017 No Comment

24.12.2017.g. Višķu. Višķu azara pussolys golā, īspiejams, pa dalei nūskoluots ar breineigu skotu iz azaru i puori jam. Naatrodom nikaidu ziņu par pilskolna statusu i pietejumim. Sūplok kolnam jauna i svaigi taiseita sāta, tik nivīna nasatykom, dieļ tuo ite bez mada.

100 Latgales pilskalni. Melnais pilskalns

27.12.2017 No Comment

14.12.2017.g. Melnais. Četrpadsmytais. Itamā vītā ap Višķu azaru pilskolnim leidzeigūs tik daudz, ka golva grīžās. Malnais ir vēl vīna ituo braucīņa kompeta. Nalelom, pīsnygušom prīdeitem apaudzs, mozu pūreņu i ezereņu apjimts. Mīreigs i kluss, ar meikstu snīgu, meikstu zuoli i meikstu velšonūs nu kolna. Man ruodīs, ka Rogonu kolns.

100 Latgales pilskalni. Baranovskas pilskalns

27.12.2017 No Comment

24.12.2017.g. Baranovskas. Pīcpadsmytais. Vīns nu Dubnys pilskolnim. Zynoms i byuts, tik Brasteņa aprokstu skaitūt suoka ruodeitīs, ka naasam eistynā vītā. Beiguos, piec specialistu inspekcejis, puorbaudis i ekspertu konsileja nūsprīdem, ka tys pats byus. Vīnā golā sīna ruloni, ūtrā prīžu mežs i naudys racieju īrokumi. Braucieji itamā reizē jau puori divdesmit! Prīks par Joanu, Eināru, Aneti i Georgu nu Ludzys, Renāti i Arturu nu Gadžūņim i Ervīnu nu Daugovpiļa! Visim prīceigus!

1 2 3 4 5 67

Page 7 of 7