G.Ērglis

100 Latgales pilskalni. Stāvais kalns

12.12.2024 No Comment

19.04.2019.g. Stāvais. Symtu treisdesmit pīktais. Stuovais kolns ītups iz vyds diveju azaru – Styrna i Ustubnīka. Stuovs vairuok nu vīnys pusis, ūtra – nūorta i nūleidzynuota. Stuovuokuo mola apauguse ar kūkim, tik leluokuo dale kolna bez apauguma. Pi kolna myus sagaideja plyks i biedeigs rameits, kai saprūtams, nu nazkodejuos nūruodis. Kolna apakšā pi Styrna azara ītaiseita gunskura vīta ar molku, galdeņu i grilu. Ite i taisejom ekspedicejis nūbeigumu ar syltom dasom i pruoteigom runom. Itū reizi sovā pulkā sajēmem Latvijas pilskalni tāvu i radeituoju Gati, drona operatoru nu historia.lv Gintu i divejus breineigus, sen naguliejušus jaunus cylvākus ar mocikletu (Ivara Logina syuteitus) – Kārli i Ansi! Prīks par visim leidzabrauciejim! Sveicynuojumi Zalānu, Putānu, Lubānu i Mičuļu Jurim Vuorda dīnā, tai poš sveicynuojumi myusu nazkodejim ekspeditorim – Jurģim i Georgam!

100 Latgales pilskalni. Grundānu pilskalns

15.10.2024 No Comment

23.04.2019.g. Grundānu. Symtu treisdesmit ūtrais. Pyrma par Grundānu pilskolnu nūturam cytu kolnu, kas eistajam stuov pavysam suonūs. Eistais izaruoda mozuoks, nu treju pušu stuovs, caturtajā nūšļaubons iz ortim i acātim teirumim. Jau Brasteņš roksta par bīzu i atrodumim boguotu zemi pilskolnā i juo suonūs. Vēl tagad natuolejā teirumā, kur traktors gatavej zemi siešonai, myusu ekspeditori, kai žuguris staiguodami, salosa vasalys rīškovys senejūs pūdu sadauzeitūs gobolu. Tyvejuos sātys saiminīks stuosta, ka nazkod pi kolna bejuse dalykta zeime, tagad seņ kai izgaisuse. Zeme lelu gobolu ap kolnu malna i augleiga, cikom tuoļuok muolaina.

100 Latgales pilskalni. Ekšu pilskalniņš

07.10.2024 No Comment

23.04.2019.g. Ekšu pilskalneņš. Simtu treisdesmit caturtais. Vīta pošā Styrnu azara krostā, par kuru nu vītejūs ļaužu dzierdāti nūstuosti, tik 500 metru nu Ekšu pilskolna. Vēl tagad tyvejuos sātys saiminīki, vaicuoti par kalneņu azara krostā ruoda eistynā vierzīnī. Tī, garonys kaupris vydā atdaleits voi atsadalejs vīns gobols, kur tod i atrūnam Ekšu pilskalneņu. Kolna viersam nav eistyna plokonuma, vītom saroktys dūbis, golu gruovi voi grovys nasaprūtamys. Poša kaupre apauguse ar mežu i kryumim.

100 Latgales pilskalni. Ekšu pilskalns

07.10.2024 No Comment

23.04.2019.g. Ekšu. Symtu treisdesmit trešais. Da Ekšu pilskolnam itamā sausajā laikā teikam pavysam tyvai ar mašynom. Pilskolns ir augstuokuo vīta leluokai apleicīnei. Kolns gona lels, apaudzs tik nu zīmeļu pusis, dīnavydūs skaisti skoti da Styrna azaram. Pilskolna viersai tryukst plokonuma i nav atrūnami nūcītynuojumi.

100 Latgales pilskalni. Braslavas pilskalns

04.10.2024 No Comment

23.04.2019.g. Brāslavas. Symtu treisdesmit pyrmais. Itys ir vīns nu ratajim “plykajim” pilskolnim. Lels, plots, nu tuolīnis radzams i atrūnams. Visi pilskolna gruovi i rokumi godu guojumā nūorti i nūleidzynuoti, palykuši tik kara laiku īrokumi vīnā pilskolna molā. Stuovuo mola da Sivera azaram izaglobuojuse vyslobuok, tī atrūnam i nazcik breineigu akmiņu. Atrūnam ari, ka kaids pošūs pilskolna suonūs taisuos iz dzeivi, voi vismoz grib mozguotīs. Naseņ pastateita pierts ar eistim betonātim pamatim i izrokts kanalizacejis gruovs ar okys vītu. Rokuma dūbē skaidri radzama malnuo pilskolna zeme i atrūnami sadauzeitu pūdu goboli. Itys nav pyrmais gadejums myusu ekspediceju eisajā viesturē, kod nasaprūtam, voi saiminīkam visi papeiri kuorteibā?

100 Latgales pilskalni. Bantenišķu Gaisa kalns

30.09.2024 No Comment

19.04.2019.g. Gaisa. Symtu divdesmit deveitais. Gaisa kolnu natuoli nu Kombuļim meklejam skaistā apreļa reitā, kod nūskaidruots, ka Kombuļūs ir treis veikali, posta nūdale, bazneica i Kombuļu pussola. Kolns lels i augsts, meklejams Ildža azara i ceļa molā. Kolnam vysapleik suonūs daudz vysaidu akmiņu. Augša plota i lela, aizauguse ar mežu i kryumim. Vīnā golā plokonums leidzons, ūtrā pacālums opoluoks.

100 Latgales pilskalni. Aulejas Zilo vizbuļu pilskalns

30.09.2024 No Comment

23.04.2019.g. Aulejis voi Zylūs vyzbuleišu pilskolns. Itys vēl naīt kūpejā 100 Latgolys pilskolnu riekynā. Pavysam navuošmi īprīkšejā vokorā, puorsaverūt Brāslovys pilskolna apleicīni, atrosts pošā Aulejis azara krostā. Navaram nūsaturēt i braucam vērtīs. Īspiejamū pilskolnu nu divom pusem apjam stuovys i dzilis grovys, nu trešuos kolnu sorgoj azars. Caturtajā pusē kolna nūcītynuošonai rokti diveji gruovi, jī labi pasaglobuojuši i apsaverami. Kolns apaudzs ar mežu, zeme, cik varam sprīst, na vysai malna, dreižuok palāka. Gluozis, vysaidam gadejumam, paceļam, vuordus īdūdam divejus – realistim i romantikim, īpušdīņojam i braucam tuoļuok.

Jadlovcu Baterijas kalns

15.11.2019 In Latgales novads No Comment

Braslavas pilskalns

22.10.2019 In Latgales novads No Comment

Gatis Kalniņš, Gints Ērglis. Grundānu pilskalns

25.04.2019 No Comment

Apmeklēts 19.04.2019.g. Foto: G.kalniņš, G.Ērglis.

Gints Ērglis, Gatis Kalniņš. Baterijas kalns

23.04.2019 No Comment

Baterijas kalns pie Dridža ezera. Apmeklēts 19.04.2019.g. Foto: G.Kalniņš, G.Ērglis Video: https://www.youtube.com/watch?v=-YnHdzpBZno

Gints Ērglis, Gatis Kalniņš. Gaisa kalns

23.04.2019 No Comment

Apmeklēts 19.04.2019.g. “100 Latgales pilskalni” akcijas laikā. Foto: G.Kalniņš, G.Ērglis

Vaidavas pilskalns

21.03.2019 In Vidzemes novads 2 komentāru

Plaša apkārtnē pazīstams un spēcīgs apcietinājums, saukts „Pilskalns” atrodas Ķieģeļu pagastā, Valmieras apriņķī, 1 klm. dienvidos Rubenes baznīcai pašā Vaidavas ezera krastā. Te ezeram 22 m. augsts kraujš krasts, kas pārdalīts šķērsām ar nelielu gravu. Tā radušās divas kalnmalas, kas no dabas jau noderīgas pilskalnam. Citur nācies plakumu nocietināt grāvjiem un uzbedumiem.